عزيز فيكير داشيميز! ليلا خانيم!
حيات يولداشينيزلا برابر دوستاقلانمانيزدان نئچه آي كئچير، هر گون سيز و باشقا دوستاقلانان ميللي فعاللاريميزين بوراخيلما خبريني دويماق اوميديله ، اورك آجيسيلا خبرلري ايزله ييريك. كئچن گونلرده دوستلارين بير نئچه سينين آغير وثيقه قراري ايله اولموش اولسادا ، بوراخيلماقلاريني ائشيتديكده سئوينديك. اما سيز هله ده انفرادي سلول داسينيز.
بلكه بو يازيني آيلار اؤنجه يازمالي ايديق، بو يازي بيزيم ميللتچي قادين اولاراق سيزينله دردلشمه ميزدير.
نه قدر اوره ييميز ايسته يير سيزينله ياخيندان گؤروشوب، اورك سؤزلريميزي سيزينله پايلاشاق.
سيزه دييه ك كي يالنيز دئييل سينيز، سيزه دييه ك كي سيزي دوشونن و سيزه فيكيرداش و سيلاحداش ساييلان يوزلر قادين وار آذربايجانيميزدا، سيزه دييه ك كي اوره ييميز سيزين سئوگينيز و سايغينيزلا دولودور و هر زامان سيزين كيمي دؤنمز و مبارز قادينا فخر ائديب، سيزدن درس آليريق.
سايين سيلاحداشيميز!
دورومونوزون نه قدر آغير اولدوغونو باشا دوشوروك، عئيني حالدا بونا اينانيريق كي حاكميت بو كيمي تضييقلرله بيزيم و حركتيميزين قارشيسيني آلابيلمه يه جكدير.
گونو گوندن آرتان بو دوستاقلامالار ، ايشكنجه لر و باسقي لار آرتيق حاكميتين ميللي حركته قارشي نه قدر ضعيف و چاره سيز اولدوغونو گؤسترير. آرتيق بو توتاليتر حاكميت بئلنچي ايشلرله بيزي ديزه كؤچوره بيلمه يه جكدير. بونو ، سيز، يولداشينيز و دوستاقلانان باشقا سيلاحداشلاريميز ثبوتا چاتديردينيز.
سيويملي فيكيرداشيميز!
صبيرسيزليكله سيزين و بوتون فارس شوونيزم دوستاغيندا اولان ميللي چاليشقانلاريميزين اؤزگور بوراخيلمالاريني گؤزله ييريك.
چؤهره قانلي قيزلاري قروپو
